Hattoki Payg`ambarlar noumid bo`lib, o`zlarini yolg`onchiga chiqarilganlar, deb gumon qilib qolganlarida, ularga Bizning nusratimiz keladi. Bas, Biz xohlaganlarga najot berilur. Jinoyatchi qavmlardan Bizning azobimiz qaytarilmas. Yusuf 12:110 ⧉
Tafsir:
Biz paygʻambarlarni yuborar ekanmiz, ularning dushmanlariga oʻylab olishlariga muhlat berdik. Azobimizni tezlashtirmadik. Ularni halok qilish kechikib ketgan paytda paygʻambarlar umidsizlanib qoldilar. Kofirlar esa ularning haqni tan olmaganlarga balo kelishi, moʻminlar esa bu balodan najot topishi haqidagi vadalari yolgʻon ekan, degan gumonga bordilar. Ana shu paytda paygʻambarlarimizga madadimiz kelib, ularni yolgʻonchiga chiqarganlar halokatga uchradilar. Oʻzlari va moʻminlar esa najot topdilar. Azobimiz tushgan paytda jinoyatchi qavmdan qaytarilmas.