Ular iymon keltirganlarni uchratsalar, iymon keltirdik, derlar, shaytonlari bilan xoli qolganda esa, biz sizlar bilanmiz, faqat istehzo qilyapmiz, xolos, derlar. Baqara 2:14 ⧉
Tafsir:
Moʻminlar bilan uchrashganlarida qoʻrqqanlaridan, sizlar iymon keltirayotgan vahiyni rost deb bilamiz, deydilar. Oʻzlarining boshliqlari, rahbarlari bilan xoli qolganlarida esa, biz hali ham sizlar bilanmiz, sizlarning yoʻlingizdamiz, moʻminlarning ustidan kulish, ularni masxara qilish uchun til uchida ularni tasdiqlab qoʻyyapmiz, deydilar.