Alloh ularni istehzo qiladir va tug`yonlarida dovdirashlariga qo`yib beradir. Al-Baqarah 2:15 ⧉
Tafsir:
Ular moʻminlarning ustidan kulayotgan boʻlsalar, Alloh ularning ustidan kuladi. Nima ekkan boʻlsalar, oʻshani oʻradilar. Shuning uchun ularga bu dunyoda musulmonlarning hukmlari joriy qilinsa-da, oxiratda mukofot olish oʻrniga kofirligi va munofiqligi tufayli jazoga tortiladilar. Ayni paytda Alloh ularni oʻz tugʻyonlariyu zalolatlari girdobida qolib ketishlariga qoʻyib beradi. Shu bilan hayronligu ikkilanish ularning doimiy hamrohiga aylanadi.