Sura Zoriyot (Sochuvchi shamollar) — سُورَةُ الذاريات
وَالذَّارِيَاتِ ذَرْوًا i
Chang to`zituvchi(shamol)lar bilan qasam. (1)
فَالْحَامِلَاتِ وِقْرًا i
Yuk ko`taruvchi(bulut)lar bilan qasam. (2)
فَالْجَارِيَاتِ يُسْرًا i
Oson yuruvchi(kema)lar bilan qasam. (3)
فَالْمُقَسِّمَاتِ أَمْرًا i
Ish taqsimlovchi(farishta)lar bilan qasam. (4)
إِنَّمَا تُوعَدُونَ لَصَادِقٌ i
Albatta, sizga va'da qilingan narsa rostdir. (5)
وَإِنَّ الدِّينَ لَوَاقِعٌ i
Va, albatta, qiyomat voqe' bo`lguvchidir. (6)
وَالسَّمَاءِ ذَاتِ الْحُبُكِ i
Go`zal, mustahkam osmon bilan qasam. (7)
إِنَّكُمْ لَفِي قَوْلٍ مُخْتَلِفٍ i
Albatta, sizlarning gaplaringiz ixtiloflidir. (8)
يُؤْفَكُ عَنْهُ مَنْ أُفِكَ i
U(Qur'on)dan kim burilsa, (butunlay) burib qo`yiladir. (9)
قُتِلَ الْخَرَّاصُونَ i
Yolg`onchilarga la'nat bo`lsin! (10)
الَّذِينَ هُمْ فِي غَمْرَةٍ سَاهُونَ i
Ular jaholatdagi g`ofillardir. (11)
يَسْأَلُونَ أَيَّانَ يَوْمُ الدِّينِ i
Ular: «Hisob-kitob kuni qachon», deb so`rarlar. (12)
يَوْمَ هُمْ عَلَى النَّارِ يُفْتَنُونَ i
Bu kunda ular olovda azoblanurlar. (13)
ذُوقُوا فِتْنَتَكُمْ هَٰذَا الَّذِي كُنْتُمْ بِهِ تَسْتَعْجِلُونَ i
«Azobingizni tatib ko`ring», siz «Qachon bo`ladir», deb shoshilgan narsa — shu!» (deyilur). (14)
إِنَّ الْمُتَّقِينَ فِي جَنَّاتٍ وَعُيُونٍ i
Albatta, taqvodorlar jannatlar va buloqlardadir. (15)
آخِذِينَ مَا آتَاهُمْ رَبُّهُمْ ۚ إِنَّهُمْ كَانُوا قَبْلَ ذَٰلِكَ مُحْسِنِينَ i
Robbilari bergan narsalarni oluvchilardir. Chunki, ular bundan oldin ehson qiluvchilardan bo`lganlardir. (16)
كَانُوا قَلِيلًا مِنَ اللَّيْلِ مَا يَهْجَعُونَ i
Ular kechalari oz uxlar edilar. (17)
وَبِالْأَسْحَارِ هُمْ يَسْتَغْفِرُونَ i
Va ular saharlarda istig`for aytar edilar. (18)
وَفِي أَمْوَالِهِمْ حَقٌّ لِلسَّائِلِ وَالْمَحْرُومِ i
Va molu mulklarida so`rovchi va bechoralarning haqqi bordir. (19)
وَفِي الْأَرْضِ آيَاتٌ لِلْمُوقِنِينَ i
Va yerda chuqur ishonuvchilar uchun belgilar bor. (20)
وَفِي أَنْفُسِكُمْ ۚ أَفَلَا تُبْصِرُونَ i
Va o`zlaringizda ham (belgilar) bor. Yoki ko`rmayapsizlarmi?! (21)
وَفِي السَّمَاءِ رِزْقُكُمْ وَمَا تُوعَدُونَ i
Va osmonda rizqingiz hamda sizga va'da qilinayotgan narsa (bor). (22)
فَوَرَبِّ السَّمَاءِ وَالْأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ i
Osmonu yerning Robbisi ila qasamki, albatta, u (va'da) misoli siz nutq qilayotganingizdek haqiqatdir. (23)
هَلْ أَتَاكَ حَدِيثُ ضَيْفِ إِبْرَاهِيمَ الْمُكْرَمِينَ i
Senga Ibrohimning karamli mehmonlarining xabari kelmadimi? (24)
إِذْ دَخَلُوا عَلَيْهِ فَقَالُوا سَلَامًا ۖ قَالَ سَلَامٌ قَوْمٌ مُنْكَرُونَ i
Ular uning huzuriga kirib, «Salom» deganlarida, u «Salom, notanish qavmlar», dedi. (25)
فَرَاغَ إِلَىٰ أَهْلِهِ فَجَاءَ بِعِجْلٍ سَمِينٍ i
Ahliga (maxfiy) borib, semiz buzoqni (pishirib) keltirdi. (26)
فَقَرَّبَهُ إِلَيْهِمْ قَالَ أَلَا تَأْكُلُونَ i
Uni ularga yaqin surdi va: «Emaysizlarmi?» – dedi. (27)
فَأَوْجَسَ مِنْهُمْ خِيفَةً ۖ قَالُوا لَا تَخَفْ ۖ وَبَشَّرُوهُ بِغُلَامٍ عَلِيمٍ i
Ulardan xavfsiradi. Ular: «Qo`rqma», dedilar va unga ilmli o`g`il bashoratini berdilar. (28)
فَأَقْبَلَتِ امْرَأَتُهُ فِي صَرَّةٍ فَصَكَّتْ وَجْهَهَا وَقَالَتْ عَجُوزٌ عَقِيمٌ i
Bas, xotini qichqirib keldi va o`z yuziga shapaloq tushirib: «Qari, tug`mas xotin-a?!» – dedi. (29)
قَالُوا كَذَٰلِكِ قَالَ رَبُّكِ ۖ إِنَّهُ هُوَ الْحَكِيمُ الْعَلِيمُ i
Ular: «Sening Robbing shunday dedi. Albatta, Uning O`zi Hakiym va Aliymdir», dedilar. (30)
قَالَ فَمَا خَطْبُكُمْ أَيُّهَا الْمُرْسَلُونَ i
U: «Ey elchilar! Sizning ishingiz nedir?» – dedi. (31)
قَالُوا إِنَّا أُرْسِلْنَا إِلَىٰ قَوْمٍ مُجْرِمِينَ i
Ular: «Albatta, biz jinoyatchi qavmga yuborilganmiz. (32)
لِنُرْسِلَ عَلَيْهِمْ حِجَارَةً مِنْ طِينٍ i
Ularning ustidan loydan (pishirilgan) toshlarni tashlash uchun. (33)
مُسَوَّمَةً عِنْدَ رَبِّكَ لِلْمُسْرِفِينَ i
Robbing huzurida isrofchilar uchun belgilab qo`yilganlarni», dedilar. (34)
فَأَخْرَجْنَا مَنْ كَانَ فِيهَا مِنَ الْمُؤْمِنِينَ i
Va Biz u joydan mo`minlarni chiqardik. (35)
فَمَا وَجَدْنَا فِيهَا غَيْرَ بَيْتٍ مِنَ الْمُسْلِمِينَ i
U yerda bir xonadondan boshqa musulmonlarni topmadik. (36)
وَتَرَكْنَا فِيهَا آيَةً لِلَّذِينَ يَخَافُونَ الْعَذَابَ الْأَلِيمَ i
Va u yerda alamli azobdan qo`rqadiganlar uchun oyat(belgi) qoldirdik. (37)
وَفِي مُوسَىٰ إِذْ أَرْسَلْنَاهُ إِلَىٰ فِرْعَوْنَ بِسُلْطَانٍ مُبِينٍ i
Va Musoda ham (belgi) bor. Biz uni Fir'avnga ravshan hujjat ila yuborganimizda... (38)
فَتَوَلَّىٰ بِرُكْنِهِ وَقَالَ سَاحِرٌ أَوْ مَجْنُونٌ i
U yuz o`girib, ishongani tomon yurdi va: «(Muso) sehrgar yoki majnundir», dedi. (39)
فَأَخَذْنَاهُ وَجُنُودَهُ فَنَبَذْنَاهُمْ فِي الْيَمِّ وَهُوَ مُلِيمٌ i
Bas, Biz uni va askarlarini tutib dengizga tashladik va u malomatga loyiq ish qiluvchi edi. (40)
وَفِي عَادٍ إِذْ أَرْسَلْنَا عَلَيْهِمُ الرِّيحَ الْعَقِيمَ i
Va Odda ham (belgi) bor. Vaqtiki, Biz ularga tug`mas shamolni yubordik. (41)
مَا تَذَرُ مِنْ شَيْءٍ أَتَتْ عَلَيْهِ إِلَّا جَعَلَتْهُ كَالرَّمِيمِ i
U qaysi narsaga yetib borsa, titib tashlamasdan qo`ymas. (42)
وَفِي ثَمُودَ إِذْ قِيلَ لَهُمْ تَمَتَّعُوا حَتَّىٰ حِينٍ i
Va Samudda ham (belgi) bor. Ularga: «Vaqtinchalik maza qilib turinglar», deyilgan vaqtda... (43)
فَعَتَوْا عَنْ أَمْرِ رَبِّهِمْ فَأَخَذَتْهُمُ الصَّاعِقَةُ وَهُمْ يَنْظُرُونَ i
Allohning amridan bosh tortdilar, bas, qarab turgan hollarida ularni qattiq ovoz tutdi. (44)
فَمَا اسْتَطَاعُوا مِنْ قِيَامٍ وَمَا كَانُوا مُنْتَصِرِينَ i
Bas, ular o`rinlaridan turolmadilar va yordam ham ololmadilar. (45)
وَقَوْمَ نُوحٍ مِنْ قَبْلُ ۖ إِنَّهُمْ كَانُوا قَوْمًا فَاسِقِينَ i
Va bundan avval Nuh qavmini ham (halok etganmiz). Albatta, ular fosiq qavm edilar. (46)
وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ i
Osmonni O`z qo`limizda(qudratimiz) ila bino qildik. Albatta, Biz uni kengaytiruvchimiz. (47)
وَالْأَرْضَ فَرَشْنَاهَا فَنِعْمَ الْمَاهِدُونَ i
Va yerni to`shab qo`ydik. Biz qandoq ham yaxshi tayyorlovchidirmiz! (48)
وَمِنْ كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ i
Va Biz har bir narsani juft yaratdik. Shoyadki, eslasangizlar. (49)
فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ i
Bas, faqat Allohgagina qoching. Albatta, men sizlarga Undan (kelgan) ochiq-oydin ogohlantiruvchiman. (50)
وَلَا تَجْعَلُوا مَعَ اللَّهِ إِلَٰهًا آخَرَ ۖ إِنِّي لَكُمْ مِنْهُ نَذِيرٌ مُبِينٌ i
Va Allohga boshqa ma'budni sherik qilmanglar. Albatta, men sizlarga Undan (kelgan) ochiq-oydin ogohlantiruvchiman. (51)
كَذَٰلِكَ مَا أَتَى الَّذِينَ مِنْ قَبْلِهِمْ مِنْ رَسُولٍ إِلَّا قَالُوا سَاحِرٌ أَوْ مَجْنُونٌ i
Xuddi shunday, bulardan avvalgilarga ham har bir Payg`ambar kelgan vaqt (uni) sehrgar yoki majnun deganlar. (52)
أَتَوَاصَوْا بِهِ ۚ بَلْ هُمْ قَوْمٌ طَاغُونَ i
Kelishib olganmilar?! Yo`q, ular tug`yonga ketgan qavmlardir! (53)
فَتَوَلَّ عَنْهُمْ فَمَا أَنْتَ بِمَلُومٍ i
Ulardan yuz o`gir. Bas, sen malomatga qoluvchi emassan. (54)
وَذَكِّرْ فَإِنَّ الذِّكْرَىٰ تَنْفَعُ الْمُؤْمِنِينَ i
Va eslatgin. Albatta, eslatish mo`minlarga manfaat berur. (55)
وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ i
Jin va insonni faqat Menga ibodat qilishlari uchungina yaratdim. (56)
مَا أُرِيدُ مِنْهُمْ مِنْ رِزْقٍ وَمَا أُرِيدُ أَنْ يُطْعِمُونِ i
Men ulardan rizq xohlamayman va Meni ovqatlantirishlarini ham xohlamasman. (57)
إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ i
Albatta, Alloh O`zi rizq beruvchi, quvvat egasi, shiddatlidir. (58)
فَإِنَّ لِلَّذِينَ ظَلَمُوا ذَنُوبًا مِثْلَ ذَنُوبِ أَصْحَابِهِمْ فَلَا يَسْتَعْجِلُونِ i
Albatta, zulm qilganlarga o`z birodarlari azobichalik azob bor, shoshilmasinlar. (59)
فَوَيْلٌ لِلَّذِينَ كَفَرُوا مِنْ يَوْمِهِمُ الَّذِي يُوعَدُونَ i
Kofirlarga va'da qilinayotgan kunlarida halokat bo`lsin. (60)