Landscape MP4 Vertical MP4

Sura Al-Baqarah — Oyat 282 (Oʻzbekcha) — Video

Al-Baqarah • Oyat 286 dan 282 • Oʻzbekcha


يَا أَيُّهَا الَّذِينَ آمَنُوا إِذَا تَدَايَنْتُمْ بِدَيْنٍ إِلَىٰ أَجَلٍ مُسَمًّى فَاكْتُبُوهُ ۚ وَلْيَكْتُبْ بَيْنَكُمْ كَاتِبٌ بِالْعَدْلِ ۚ وَلَا يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ ۚ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا ۚ فَإِنْ كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَنْ يُمِلَّ هُوَ فَلْيُمْلِلْ وَلِيُّهُ بِالْعَدْلِ ۚ وَاسْتَشْهِدُوا شَهِيدَيْنِ مِنْ رِجَالِكُمْ ۖ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَىٰ ۚ وَلَا يَأْبَ الشُّهَدَاءُ إِذَا مَا دُعُوا ۚ وَلَا تَسْأَمُوا أَنْ تَكْتُبُوهُ صَغِيرًا أَوْ كَبِيرًا إِلَىٰ أَجَلِهِ ۚ ذَٰلِكُمْ أَقْسَطُ عِنْدَ اللَّهِ وَأَقْوَمُ لِلشَّهَادَةِ وَأَدْنَىٰ أَلَّا تَرْتَابُوا ۖ إِلَّا أَنْ تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلَّا تَكْتُبُوهَا ۗ وَأَشْهِدُوا إِذَا تَبَايَعْتُمْ ۚ وَلَا يُضَارَّ كَاتِبٌ وَلَا شَهِيدٌ ۚ وَإِنْ تَفْعَلُوا فَإِنَّهُ فُسُوقٌ بِكُمْ ۗ وَاتَّقُوا اللَّهَ ۖ وَيُعَلِّمُكُمُ اللَّهُ ۗ وَاللَّهُ بِكُلِّ شَيْءٍ عَلِيمٌ 282
Tarjima:
Ey, iymon keltirganlar! Ma'lum muddatga qarz oldi-berdi qilgan vaqtingizda, uni yozib qo`ying. Orangizda bir yozuvchi adolat bilan yozsin. Hech bir yozuvchi Alloh bildirganidek qilib yozishdan bosh tortmasin. Bas, yozsin va haq zimmasiga tushgan kishi aytib tursin, Robbiga taqvo qilsin va undan hech narsani kamaytirmasin. Agar haq zimmasiga tushgan kishi esi past, zaif yoki aytib tura olmaydigan bo`lsa, uning valiyi adolat bilan aytib tursin. Erkaklaringizdan ikki kishini guvoh qiling. Agar ikki er kishi bo`lmasa, o`zingiz rozi bo`ladigan guvohlardan bir er kishi va ikki ayol kishi bo`lsin. Ikkovi(ayol)dan birortalari adashsa, birlari boshqalarining esiga soladi. Va chaqirilgan vaqtda guvohlar bosh tortmasinlar. Kichik bo`lsa ham, katta bo`lsa ham, muddatigacha yozishingizni malol olmang. Shundoq qilmog`ingiz, Allohning huzurida adolatliroq, guvohlikka kuchliroq va shubhalanmasligingiz uchun yaqinroqdir. Magar oralaringizda yurib turgan naqd savdo bo`lsa, yozmasangiz ham, sizga gunoh bo`lmas. Oldi-sotdi qilganingizda, guvoh keltiring va yozuvchi ham, guvoh ham zarar tortmasin. Agar (aksini) qilsangiz, albatta, bu fosiqligingizdir. Allohga taqvo qiling. Va Alloh sizga ilm beradir. Alloh har bir narsani biluvchi Zotdir. Al-Baqarah 2:282 ⧉
Tafsir:
Ey Allohga iymon keltirgan va paygʻambariga ergashgan moʻminlar, qarzga oid muomala qilganingizda, yani, birovingiz boshqangizga muayyan muddatga qarz berganda uni yozib qoʻyinglar. Bir kotib shariatga muvofiq insof bilan toʻgʻrisini yozsin. Kotib Alloh bildirganidek adolat bilan yozishdan bosh tortmasin. Qarz olayotgan odam aytib tursin va kotib yozsin. Shu ishi uning qarz olganiga iqrori boʻladi. Parvardigoridan taqvo qilsin-da, qarzning miqdori, sifati va ahvoli haqida biron joyini kam ayta koʻrmasin. Agar qarz olayotgan odam bu ishning uddasidan chiqa olmasa yoki yoshligi yo aqli zaifligi tufayli ojiz boʻlsa yoki gunglik kabi biron nuqsoni sababli aytib tura olmasa, uning oʻrniga shu ishga masul boʻlgan homiy vakili aytib tursin. U ham insof bilan rostini aytsin. Ikkita aqlli, adolatli erkakni guvohlikka chaqiringlar. Ikki erkak topilmasa, bir erkak hamda ikki dindor va omonatdor ayol boʻlsin. Ayollardan biri unutgan joyini ikkinchisi eslatib turadi. Guvohlar qarz muomalasida guvohlikka chaqirilsalar, rad etmasinlar. Guvoh boʻlish ularning burchlaridir. Qarz oz boʻlsin, koʻp boʻlsin aniq muddat belgilab yozib qoʻyishni malol olmanglar. Yozib qoʻyish Allohning shariatida adolatliroq, guvohlarning guvohlik berishlari borasida mukammalroq, qarzning navi, miqdori va muddati borasida shubhaga oʻrin qoldirmaydiganroq ishdir. Lekin agar muomala naqd narsa va aniq narx bilan savdo qilish boʻlsa, uni yozmasangizlar ham boʻlaveradi. Chunki bunday paytda yozishga hojat qolmaydi. Nizoning oldini olish uchun guvoh chaqirish shariatlashtirildi. Kotiblar va guvohlarga zarar qilish joiz emas. Ayni paytda kotiblar va guvohlar ham yozib berish yoki guvohlikka oʻtib berishni iltimos qilgan kishiga zarar qilmasinlar. Zarar qilish Allohga itoatsizlik, masiyatdir. Ey moʻminlar, Allohdan buyruqlarini bajarish va taqiqlaridan tiyilish bilan taqvo qilinglar. Alloh sizlarga dunyo va oxiratingizni isloh qiladigan ishlarni oʻrgatadi. Alloh hamma narsani koʻrib-bilib turadi. Hech narsa U Zotdan yashirin qolmaydi.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Baqarah • Oyat 281 Keyingi Al-Baqarah • Oyat 283