Qorun, Fir'avn va Homonlarni (ham halok qildik). Batahqiq, Muso ularga ochiq-oydin hujjatlar keltirdi. Bas, ular yer yuzida mutakabbirlik qildilar va qochib qutulguvchi bo`lmadilar. Ankabut 29:39 ⧉
Tafsir:
Qorun Muso qavmiga tajovuz qilgani sababli uning oʻzini ham, uy-joyini ham yerga yutdirdik. Firavn va uning vaziri Homonni ham dengizga gʻarq qildik. Muso ularga oʻzining haq paygʻambar ekanini isbotlaydigan yorqin dalillar keltirgandi. Ular esa Misr yerida mutakabbirlik qildilar. Endi ular Bizning azobimizdan qochib-qutula olmaslar.