Imronning xotini: «Ey Robbim! Albatta, men qornimdagini O`zingga xolis nazr qildim. Bas, mendan qabul et. Albatta, Sening O`zing eshituvchi, biluvchi zotsan», deganini esla! Ali 'Imran 3:35 ⧉
Tafsir:
Ey Paygʻambar alayhissalom, eslang! Imronning ayoli, Maryam alayhissalomning onasi: "Parvardigorim, qornimdagi homilamni dunyo ishlaridan ozod etib, Senga va uyingga xizmat qilishi uchun xolis Oʻzingga nazr qildim, uni Oʻz dargohingda qabul ayla, Sen duoyimni eshitib, niyatimni bilib turgan Zotsan", degan edi.