Ular Allohning elchiligini yetkazadigan, Undangina qo`rqadigan, Allohdan boshqa hech kimdan qo`rqmaydigan zotlardir. Allohning O`zi hisob qilguvchilikka kifoyadir. Al-Ahzab 33:39 ⧉
Tafsir:
Alloh nozil qilgan risolatlarni ummatlarga yetkazadigan paygʻambarlar Alloh taolodan boshqa hech kimdan qoʻrqmaydilar. Alloh halol qilgan ishni bajarayotganlarida odamlarning gap-soʻzlariga parvo qilmaydilar. Bandalarning qilgan ishlarini saqlab qoʻyib, keyin oʻsha ishlardan hisob olish hamda jazo yoki mukofot berish borasida Allohning Oʻzi kifoyadir.