Muhammad sizlardan biron erkakning otasi bo`lgan emas. Lekin Allohning Rasuli va Payg`ambarlarning so`nggisidir. Alloh har bir narsani o`ta bilguvchidir. Ahzob 33:40 ⧉
Tafsir:
Muhammad sizlardan biron kishining otasi emas. U Zaydning otasi emaski, uning taloq qilgan xotiniga uylanishi harom boʻlsa. Lekin u Allohning odamlarga yuborgan paygʻambari va nabiylar xotami. Undan keyin paygʻambar kelmaydi. Alloh hamma narsani Bilguvchi boʻldi. Bandalarining biron ishi U Zotdan yashirin qola olmas.