Ayollaringizdan fohisha (zino) qilganlariga o`zlaringizdan to`rtta guvoh keltiring. Agar guvohlik bersalar, ularni to o`lim yetguncha yoki Alloh bir yo`l ko`rsatguncha uylarida tutib turing. An-Nisa 4:15 ⧉
Tafsir:
Ayollaringizdan turmush qurgan yo qurmagan boʻlishidan qati nazar, qaysi biri zino qilsa, ularga toʻrtta musulmon erkak guvoh keltiring. Guvohlar guvohlik bersalar, to ularga oʻlim kelgunicha yoki Alloh hibsda ushlashdan koʻra boshqa bir yoʻlni tayinlagunicha ularni jazo sifatida oʻz uylarida tutib turinglar. Keyinroq Alloh oʻsha yoʻlni bayon qilib, turmush qurmagan zinokorni yuz darra urish va bir yil surgun qilishga, turmushi bor zinokorni esa toshboʻron qilishga hukm qildi.