Senga yetgan yaxshilik Allohdandir. Va senga yetgan yomonlik nafsingdandir. Biz seni odamlarga Payg`ambar qilib yubordik. Shohidlikka Allohning O`zi kifoya qilur. An-Nisa 4:79 ⧉
Tafsir:
Ey odam bolasi, farzand boʻladimi, rizq boʻladimi, seni xursand qilayotgan har bir nemat Allohning fazlu marhamatidandir. Oʻsha farzand yoki rizqingga yetayotgan har bir shikast oʻzingdan, oʻzing qilayotgan gunohlaring kasofatidandir. Ey Paygʻambar alayhissalom, Biz sizni hamma odamlarga paygʻambar qilib yubordik. Ularga Parvardigoringizning risolatini yetkazasiz. Sizning chin paygʻambar ekaningizga Allohning Oʻzi yetarli guvohdir. Zotan, U Zot sizga bu borada yetarlicha dalil va hujjatlar ato etdi.