Kim Payg`ambarga itoat qilsa, Allohga itoat qilgan bo`lur. Kim yuz o`girsa, Biz seni ularga qo`riqchi qilib yuborganimiz yo`q. An-Nisa 4:80 ⧉
Tafsir:
Kim Paygʻambar alayhissalomning buyrugʻini bajarib, taqiqlaridan tiyilib, u zotga itoat etsa, demak, Allohning farmonini bajaribdi. Ey Paygʻambar alayhissalom, kim sizga itoat etishdan bosh tortsa, aslo xafa boʻlmang. Biz sizni ularni kuzatib, nazorat qilib turadigan qoʻriqchi qilib yuborganimiz yoʻq. Ularning amallarini hisob-kitob qilish Bizning ishimizdir.