Ana shunday qilmoqlik, guvohlikni haqqoniy ado etishlariga yoki qasamlaridan so`ng raddiya qasam bo`lishidan qo`rqishlariga yaqinroqdir. Allohga taqvo qilinglar va quloq osinglar. Alloh fosiq qavmlarni hidoyat qilmas. Moida 5:108 ⧉
Tafsir:
Ularning guvohligiga shubha tugʻilib qolgan paytda mana shu ikki guvohning namozdan keyingi qasami ularning guvohlikni shariy tarzda ado etishlariga yaqinlashtiradi. Natijada ular guvohlikni oʻzgartirmaydilar va unga xiyonat qilmaydilar. Ayni paytda merosxoʻrlarning oʻzlariga qarshi qasam ichib qolishlaridan va oqibatda sharmanda boʻlishlaridan xavfsiratadi. Shunday ekan, Allohdan taqvo qilib, guvohlik berishda ham, qasam ichishda ham yolgʻon soʻzlamangiz va xiyonat qilmangiz. Farmonlarni qabul boʻladigan tarzda ado etingiz. Alloh itoatsizlarga tavfiq bermas.