Dinlarini tafriqa qilib, o`zlari guruhbozlik qilganlar bilan hech bir aloqang yo`q. Albatta, ularning ishi Allohning O`ziga havola. So`ngra, qilgan ishlarining xabarini berur. An'om 6:159 ⧉
Tafsir:
Ey Paygʻambar, dinini boʻlaklarga ajratib, ayrim boʻlaklarini olib, qolganini tashlab, guruh-guruhlarga boʻlinib ketgan yahudiy va nasroniylarga sizning hech qanday aloqangiz yoʻq. Ularning zalolatidan siz poksiz. Sizning vazifangiz ularni ogohlantirib qoʻyish, xolos. Ularning ishini Allohga tashlab qoʻyavering. Parvardigoringizning oʻzi Qiyomat kunida ularning bu dunyoda qilib oʻtgan ishlarini yuzlariga solib, jazosini bergay.