Ibrohimning otasi uchun aytgan istig`fori unga bergan va'dasi ustidan edi, xolos. Vaqtiki, unga otasining Allohga dushman ekanligi ayon bo`lganda, undan voz kechdi. Albatta, Ibrohim tazarru'li va haliymdir. Tavba 9:114 ⧉
Tafsir:
Ibrohimning otasi uchun magʻfirat soʻrashi unga bergan vadasi tufayli boʻlgandi. Musulmon boʻlishidan umid qilgandi. Otasi Allohning dushmani ekani ayon boʻlgach, yani, unga nasihat kor qilmagach yoki vahiy orqali uning kofir holida oʻlishini bilgach, undan yuz oʻgirdi. Demak, otasi uchun istigʻfor aytishi Allohning hukmiga qarshi borishi emas, oddiy bir ijtihodi edi, xolos. Ibrohim Allohga koʻp tavba-tazarru qiladigan, zolim qavmini ham kechirib yuboraveradigan bagʻrikeng insondir.