Mushriklarga, o`zlarining kofir ekanliklariga guvoh bo`lgan hollarida, Allohning masjidlarini obod qilishlari joiz emas. Ana o`shalar amallari habata bo`lganlardir va ular do`zaxda abadiy qoluvchilardir. Tavba 9:17 ⧉
Tafsir:
Allohning masjidlarini toat-ibodat bilan obod etish mushriklarning ishi emas. Ular kofirliklarini ochiq aytib-koʻrsatib turishibdi. Amal qabul boʻlishi uchun iymon boʻlishi shart. Ularda esa iymon yoʻq. Shuning uchun amallari habata ketur. Qiyomat kuni esa doʻxzaxga tashlanurlar va unda abadiy qolurlar. Oʻlimidan oldin tavba qilganlar bundan mustasno.