ترجمہ: سورۃ الطارق (رات کا ستارہ) سُورَة الطارق
وَالسَّمَاءِ وَالطَّارِقِ ١ i
آسمان اور رات کے وقت آنے والے کی قسم (۱)
وَمَا أَدْرَاكَ مَا الطَّارِقُ ٢ i
اور تم کو کیا معلوم کہ رات کے وقت آنے والا کیا ہے (۲)
النَّجْمُ الثَّاقِبُ ٣ i
وہ تارا ہے چمکنے والا (۳)
إِنْ كُلُّ نَفْسٍ لَمَّا عَلَيْهَا حَافِظٌ ٤ i
کہ کوئی متنفس نہیں جس پر نگہبان مقرر نہیں (۴)
فَلْيَنْظُرِ الْإِنْسَانُ مِمَّ خُلِقَ ٥ i
تو انسان کو دیکھنا چاہئے کہ وہ کاہے سے پیدا ہوا ہے (۵)
خُلِقَ مِنْ مَاءٍ دَافِقٍ ٦ i
وہ اچھلتے ہوئے پانی سے پیدا ہوا ہے (۶)
يَخْرُجُ مِنْ بَيْنِ الصُّلْبِ وَالتَّرَائِبِ ٧ i
جو پیٹھ اور سینے کے بیچ میں سے نکلتا ہے (۷)
إِنَّهُ عَلَىٰ رَجْعِهِ لَقَادِرٌ ٨ i
بےشک خدا اس کے اعادے (یعنی پھر پیدا کرنے) پر قادر ہے (۸)
يَوْمَ تُبْلَى السَّرَائِرُ ٩ i
جس دن دلوں کے بھید جانچے جائیں گے (۹)
فَمَا لَهُ مِنْ قُوَّةٍ وَلَا نَاصِرٍ ١٠ i
تو انسان کی کچھ پیش نہ چل سکے گی اور نہ کوئی اس کا مددگار ہو گا (۱۰)
وَالسَّمَاءِ ذَاتِ الرَّجْعِ ١١ i
آسمان کی قسم جو مینہ برساتا ہے (۱۱)
وَالْأَرْضِ ذَاتِ الصَّدْعِ ١٢ i
اور زمین کی قسم جو پھٹ جاتی ہے (۱۲)
إِنَّهُ لَقَوْلٌ فَصْلٌ ١٣ i
کہ یہ کلام (حق کو باطل سے) جدا کرنے والا ہے (۱۳)
وَمَا هُوَ بِالْهَزْلِ ١٤ i
اور بیہودہ بات نہیں ہے (۱۴)
إِنَّهُمْ يَكِيدُونَ كَيْدًا ١٥ i
یہ لوگ تو اپنی تدبیروں میں لگ رہے ہیں (۱۵)
وَأَكِيدُ كَيْدًا ١٦ i
اور ہم اپنی تدبیر کر رہے ہیں (۱۶)
فَمَهِّلِ الْكَافِرِينَ أَمْهِلْهُمْ رُوَيْدًا ١٧ i
تو تم کافروں کو مہلت دو بس چند روز ہی مہلت دو (۱۷)