سورت الحجر — آیت 11 (اردو) — ویڈیو

باباللہ تعالیٰ اپنے نبی کریم ﷺ کو تسکین دیتا ہے کہ ” جس طرح لوگ آپ ﷺ کو جھٹلا رہے ہیں اسی طرح آپ ﷺ سے پہلے کے نبیوں کو بھی وہ جھٹلا چکے ہیں۔ ہر امت کے رسول علیہ السلام کی تکذیب ہوئی ہے اور اسے مذاق میں اڑایا گیا ہے “۔

ضدی اور متکبر گروہ کے دلوں میں بہ سبب ان کے حد سے بڑھے ہوئے گناہوں کے تکذیب رسول سمو دی جاتی ہے یہاں مجرموں سے مراد مشرکین ہیں۔ وہ حق کو قبول کرتے ہی نہیں، نہ کریں۔ اگلوں کی عادت ان کے سامنے ہے جس طرح وہ ہلاک اور برباد ہوئے اور ان کے انبیاء علیہم السلام نجات پاگئے اور ایماندار عافیت حاصل کرگئے۔ وہی نتیجہ یہ بھی یاد رکھیں۔ دنیا آخرت کی بھلائی نبی کریم ﷺ کی متابعت میں اور دونوں جہان کی رسوائی نبی ﷺ کی مخالفت میں ہے۔