سوره الطارق (دروازه ټکونکی)
بِسْمِ اللَّهِ الرَّحْمَٰنِ الرَّحِيمِ
iد الله په نامه سره (شروع كوم) چې ډېر زیات مهربان، بې حده رحم كوونكى دى
وَالسَّمَاءِ وَالطَّارِقِ i
▶ 86:1قسم دى په اسمان او د شپې په راتلونكي (۱)
وَمَا أَدْرَاكَ مَا الطَّارِقُ i
▶ 86:2او ته څه شي پوه كړې چې د شپې راتلونكى څه شى دى؟ (۲)
النَّجْمُ الثَّاقِبُ i
▶ 86:3ځلېدونكى ستورى دى (۳)
إِنْ كُلُّ نَفْسٍ لَمَّا عَلَيْهَا حَافِظٌ i
▶ 86:4نشته هېڅ یو نفس مګر په هغه باندې څارونكى (ساتونكى) شته (۴)
فَلْيَنْظُرِ الْإِنْسَانُ مِمَّ خُلِقَ i
▶ 86:5نو انسان دې وګوري چې دى له څه شي نه پیدا كړى شوى دى؟ (۵)
خُلِقَ مِنْ مَاءٍ دَافِقٍ i
▶ 86:6دى له ټوپ وهونكو اوبو نه پیدا كړى شوى دى (۶)
يَخْرُجُ مِنْ بَيْنِ الصُّلْبِ وَالتَّرَائِبِ i
▶ 86:7چې د شا او له سینو د هډوكو له مینځ نه راوځي (۷)
إِنَّهُ عَلَىٰ رَجْعِهِ لَقَادِرٌ i
▶ 86:8بېشكه دغه (الله) د دغه (انسان) په بیا راژوندي كولو یقینًا قادر دى (۸)
يَوْمَ تُبْلَى السَّرَائِرُ i
▶ 86:9په هغې ورځ چې د پټو څیزونو به (په كې) څېړنه (او څرګندونه) كولى شي (۹)
فَمَا لَهُ مِنْ قُوَّةٍ وَلَا نَاصِرٍ i
▶ 86:10نو د دغه (انسان) لپاره به نه هېڅ قوت وي او نه څوك مدد كوونكى (۱۰)
وَالسَّمَاءِ ذَاتِ الرَّجْعِ i
▶ 86:11قسم دى په اسمان چې خاوند د باران دى (۱۱)
وَالْأَرْضِ ذَاتِ الصَّدْعِ i
▶ 86:12او په ځمكه چې د (زرغونې راوتلو لپاره) چاودېدلو والا ده (۱۲)
إِنَّهُ لَقَوْلٌ فَصْلٌ i
▶ 86:13بېشكه دا (قرآن) یقینًا (د حق او باطل) بېلونكې وینا ده (۱۳)
وَمَا هُوَ بِالْهَزْلِ i
▶ 86:14او دا هیڅكله عبثه (او د ټوقو) خبره نه ده (۱۴)
إِنَّهُمْ يَكِيدُونَ كَيْدًا i
▶ 86:15بېشكه دوى مكر او چل كوي، یو چل كول (۱۵)
وَأَكِيدُ كَيْدًا i
▶ 86:16او زه هم یو تدبیر كوم، تدبیر كول (۱۶)
فَمَهِّلِ الْكَافِرِينَ أَمْهِلْهُمْ رُوَيْدًا i
▶ 86:17نو ته كافرانو ته مهلت وركړه، ته دوى ته لږ مهلت وركړه (۱۷)