Sura Yunus (يونس) (Oyat 18)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




10 Yunus(يونس), Oyat 18

وَيَعْبُدُونَ مِنْ دُونِ اللَّهِ مَا لَا يَضُرُّهُمْ وَلَا يَنْفَعُهُمْ وَيَقُولُونَ هَٰؤُلَاءِ شُفَعَاؤُنَا عِنْدَ اللَّهِ ۚ قُلْ أَتُنَبِّئُونَ اللَّهَ بِمَا لَا يَعْلَمُ فِي السَّمَاوَاتِ وَلَا فِي الْأَرْضِ ۚ سُبْحَانَهُ وَتَعَالَىٰ عَمَّا يُشْرِكُونَ 18 ١٨

Ular Allohni qo`yib, o`zlariga zarar ham, manfaat ham yetkaza olmaydigan narsalarga ibodat qilurlar va: «Ana o`shalar bizning Alloh huzuridagi shafoatchilarimizdir!» derlar. Sen: «Allohga U osmonlaru yerda bilmaydigan narsalarning xabarini bermoqchimisizlar?!» deb ayt. Alloh ular keltirayotgan shirkdan pok va yuksak Zotdir. (18)

Tafsir
Mushriklar Allohni qoʻyib, oʻzlariga zarar ham, foyda ham keltira olmaydigan mavhum, xayoliy mabudlarga ibodat qiladilar. Yana ular haqida: «Ular bizning Alloh huzuridagi shafoat qiladigan vositachilarimiz, ularni vosita qilsak, Alloh bizni gunohlarimiz uchun azoblamaydi», deydilar. Ey Paygʻambar, ayting: «Allohni osmonlaru yerdagi U zot bilmaydigan sheriklaridan xabardor qilib qoʻymoqchi boʻlyapsizlarmi?!» Alloh ularning yolgʻon va botildan iborat shirklaridan pok va oliy boʻlgan Zotdir.

Shuningdek, quyida taqdim etilgan aqlli qidiruv funksiyasidan foydalanishingiz mumkin