Sura Al-Baqarah (Sigir — البقرة) (Oyat 220)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




2 Al-Baqarah(البقرة), Oyat 220

فِي الدُّنْيَا وَالْآخِرَةِ ۗ وَيَسْأَلُونَكَ عَنِ الْيَتَامَىٰ ۖ قُلْ إِصْلَاحٌ لَهُمْ خَيْرٌ ۖ وَإِنْ تُخَالِطُوهُمْ فَإِخْوَانُكُمْ ۚ وَاللَّهُ يَعْلَمُ الْمُفْسِدَ مِنَ الْمُصْلِحِ ۚ وَلَوْ شَاءَ اللَّهُ لَأَعْنَتَكُمْ ۚ إِنَّ اللَّهَ عَزِيزٌ حَكِيمٌ 220 ٢٢٠

Bu dunyo va oxirat haqida. Sendan yetimlar haqida so`rarlar. Sen: «Ularga isloh qilish yaxshidir», deb ayt. Agar ularning (mollarini) aralashtirib yuborsangiz, bas, birodarlaringiz. Alloh buzg`unchini ham, islohchini ham biladi. Agar xohlasa, Alloh sizlarni qiyinchilikka solardi. Albatta, Alloh Aziyz va hikmatli Zotdir. (220)

Tafsir
Bu ish dunyo va oxiratingizga foydali boʻlgan ishlar haqida fikr yuritishingiz uchun shariat qilindi. Ey Paygʻambar alayhissalom, sizdan sahobalaringiz yetimlarga qanday homiylik qilish, ular bilan qanday muomalada boʻlish, kundalik sarf-xarajatlarda ularning pullari bilan oʻzlarining pullarini aralashtirib yuborishlari haqida soʻraydilar. Aytingki, fazlu marhamat koʻrsatib, yetimlarning mol-davlatiga qoʻl tekkizmasdan ularni oʻz qaramogʻingizga olsangiz, oʻzingiz uchun yaxshi boʻladi. Lekin agar oziq-ovqat, turar-joy kabi kundalik sarf-xarajatlarda ularning molini oʻzingizning molingizga aralashtirib yuborsangiz ham zarari yoʻq. Chunki ular diniy birodarlaringiz. Birodarlar bir-birlariga yordam berib, birining ishini boshqasi qilib ketaveradi. Endi shu mol-davlatlarini aralashtirish bilan homiylardan qaysi biri buzgʻunchilikni va qaysi biri isloh qilishni istayotganini Alloh bilib turadi. Agar Alloh shu yetimlar ishida sizlarga ogʻir qilishni istaganida shunday qilgan boʻlardi. Lekin har qanday nuqsondan pok Alloh sizlarga yetimlar bilan muomala qilish yoʻllarini oson, yengil qildi. Zero, Allohning shariati yengillik asosiga barpo boʻlgandir. Alloh Azizdirki, hech kim, hech narsa Undan gʻolib boʻla olmas. Alloh yaratishida ham, tadbir qilishida ham, shariatlashtirishida ham har bir ishni hikmat bilan qiladigan Hakim Zotdir.

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: