Sura Al-Hajj (Haj — الحج) (Oyat 78)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




22 Al-Hajj(الحج), Oyat 78

وَجَاهِدُوا فِي اللَّهِ حَقَّ جِهَادِهِ ۚ هُوَ اجْتَبَاكُمْ وَمَا جَعَلَ عَلَيْكُمْ فِي الدِّينِ مِنْ حَرَجٍ ۚ مِلَّةَ أَبِيكُمْ إِبْرَاهِيمَ ۚ هُوَ سَمَّاكُمُ الْمُسْلِمِينَ مِنْ قَبْلُ وَفِي هَٰذَا لِيَكُونَ الرَّسُولُ شَهِيدًا عَلَيْكُمْ وَتَكُونُوا شُهَدَاءَ عَلَى النَّاسِ ۚ فَأَقِيمُوا الصَّلَاةَ وَآتُوا الزَّكَاةَ وَاعْتَصِمُوا بِاللَّهِ هُوَ مَوْلَاكُمْ ۖ فَنِعْمَ الْمَوْلَىٰ وَنِعْمَ النَّصِيرُ 78 ٧٨

Va Alloh (yo`lida) haq jihod qilingiz. U sizlarni tanlab oldi. Va sizga bu dinda hech tanglik qilmadi. Bu, otangiz Ibrohimning millati. U sizlarni bundan oldin va bu (Qur'on)da Payg`ambar sizlarga guvoh bo`lishi uchun, sizlar esa, odamlarga guvohlar bo`lishingiz uchun «musulmonlar» deb nomladi. Bas, namozni to`kis ado etinglar, zakot beringlar va Allohga bog`laninglar. U sizning xojangizdir. Bas, U zot qanday ham yaxshi xoja va qanday ham yaxshi nusrat berguvchidir. (78)

Tafsir
Allohning yoʻlida xolis jihod qilinglar. U Zot sizlarni saralab oldi, diningizni keng qilib berdi, unda biron torlikni, tanglikni, noqulaylikni qoʻymadi. Bu millat otangiz Ibrohim alayhissalom millatidir. Alloh sizlarni oldingi kitoblarda ham, Quronda ham musulmonlar, deb nomladi. Toki, paygʻambar risolatni yetkazgani uchun sizlarga guvoh boʻlsa, sizlar oldingi ummatlarga paygʻambarlari risolatni yetkazganiga guvoh boʻlasizlar. Buning uchun Allohga shukr qilib, namozni toʻkis ado etinglar, mollaringizdan zakotini beringlar, Allohga sigʻininglar, iltijo qilinglar, hamma ishlaringizda yolgʻiz U Zotga suyaninglar. U Zot naqadar yaxshi Hoja va naqadar yaxshi Madadkordir. Qullik qilsangizlar, hojalik qiladi. Madad soʻrasangizlar beradi.

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: