Sura Naml (Chumolilar — النمل) (Oyat 40)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




27 Naml(النمل), Oyat 40

قَالَ الَّذِي عِنْدَهُ عِلْمٌ مِنَ الْكِتَابِ أَنَا آتِيكَ بِهِ قَبْلَ أَنْ يَرْتَدَّ إِلَيْكَ طَرْفُكَ ۚ فَلَمَّا رَآهُ مُسْتَقِرًّا عِنْدَهُ قَالَ هَٰذَا مِنْ فَضْلِ رَبِّي لِيَبْلُوَنِي أَأَشْكُرُ أَمْ أَكْفُرُ ۖ وَمَنْ شَكَرَ فَإِنَّمَا يَشْكُرُ لِنَفْسِهِ ۖ وَمَنْ كَفَرَ فَإِنَّ رَبِّي غَنِيٌّ كَرِيمٌ 40 ٤٠

Kitobdan ilmi bor shaxs: «Men uni senga ko`zingni ochib yumguningcha keltirurman», dedi. Qachonki (Sulaymon) u(taxt)ning o`z huzurida qaror topganini ko`rgach: «Bu Robbimning fazlidandir. Men shukr qilamanmi yoki kufroni ne'mat qilamanmi, sinash uchundir. Kim shukr keltirsa, o`zi uchungina shukr qilur. Kim kufroni ne'mat qilsa, bas, Robbim behojat va karamli Zotdir», dedi. (40)

Tafsir
Sulaymon huzuridagi kitobdan xabari bor, jumladan, Allohning buyuk nomi aytilib duo qilinganda u albatta ijobat boʻlishini ham biladigan bir solih olim kishi: "Men uni senga koʻz yumib ochguningcha keltiraman", dedi. Allohga duo qildi. Alloh uning duosini ijobat aylab, taxt oʻsha zahoti hoziru nozir boʻldi. Sulayhmon alayhissalom taxtning oʻz huzurida joylashib turganini koʻrgach, dedi: "Bu Parvardigorimning shukr qilamanmi yoki nonkoʻrlik qilamanmi, shuni sinash uchun koʻrsatgan fazlidandir. Kim shukr qilsa, oʻziga foyda. Kim nonkoʻrlik qilsa, bas, Parvardigorim uning shukr qilishidan behojat va karamli Zotdir. Shu qadar karamliki, Uni inkor qilib turgan kofirga ham rizq beraveradi.".

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: