Sura Luqman (Luqmon — لقمان) (Oyat 34)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




31 Luqman(لقمان), Oyat 34

إِنَّ اللَّهَ عِنْدَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ ۖ وَمَا تَدْرِي نَفْسٌ مَاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ ۚ إِنَّ اللَّهَ عَلِيمٌ خَبِيرٌ 34 ٣٤

Albatta, qiyomat soati ilmi yolg`iz Allohning huzuridadir. Yomg`irni U yog`dirur. Bachadonlardagi narsani ham U bilur. Hech bir jon ertaga nima kasb qilishini bilmas. Hech bir jon qaysi yerda o`lishini ham bilmas. Albatta, Alloh o`ta bilguvchi va o`ta xabardordir. (34)

Tafsir
Qiyomat kuni qachon boʻlishini yolgʻiz Allohgina biladi. U istagan paytida osmondan yomgʻir yogʻdiradi. Bachadonlardagi bola qiz yoki oʻgʻilligini, baxtli yo baxtsizligini biladi. Biron jon ertaga nima ish qilishini, yaxshi ish qiladimi yoki yomon ish qiladimi, bila olmaydi. Biron jon qayerda oʻlishini bilmaydi. Burlarning hammasini yolgʻiz Allohgina biladi. Alloh hamma narsani Bilguvchi, har ishdan Xabardor Zotdir. Biron narsa U Zotdan yashirin qola olmas.

Shuningdek, quyida taqdim etilgan aqlli qidiruv funksiyasidan foydalanishingiz mumkin