Sura Al-Hadid (Temir — الحديد) (Oyat 20)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




57 Al-Hadid(الحديد), Oyat 20

اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ 20 ٢٠

Bilingki, albatta, bu dunyo hayoti o`yin, ko`ngil ermagi va zeb-ziynatdan, o`zaro faxrlanishdan, mol-mulkni va bola-chaqani ko`paytirishdan iboratdir. U, xuddi, o`simligi dehqonlarni ajablantirgan yomg`irga o`xshaydir. Keyinroq bu o`simliklar quriydi va sarg`ayganini ko`rasan. So`ngra u xas-cho`pga aylanib ketadir. Oxiratda esa, qattiq azob bor, Allohdan mag`firat va rozilik bor. Bu dunyo hayoti g`ururga ketkazuvchi matodan o`zga hech narsa emas. (20)

Tafsir
Bilinglarki, dunyo hayoti oʻyin-kulgi, koʻngil ermagi, zeb-ziynatlar hamda oʻzaro mol-dunyo bilan faxrlanish, boylik va bola-chaqa koʻpligi bilan kerilishdir. Bu xuddi bir yomgʻirga oʻxshaydiki, uning suvi bilan unib oʻsgan oʻsimliklardan dehqonlar hayratlanadi. Lekin u hech qancha oʻtmasdan qurib, sargʻayib ketganini koʻrasiz. Yana birozdan keyin esa quruq choʻp boʻlib qoladi. Oxiratda esa kofirlar va munofiqlar uchun qattiq azob hamda Alloh tarafidan moʻmin bandalari uchun magʻfirat va rizolik bordir. Dunyo hayoti oʻtkinchi bir matohdir. Shu oʻtkinchi matohni oxirat nematlaridan ustun qoʻygan odam muvaffaqiyatsizlikka uchragan badbaxtdir.

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: