Musoga o`z qavmidan ba'zi zurriyotlargina Fir'avn va amaldor-zodagonlarining fitna qilmoqlaridan qo`rqqan hollarida iymon keltirdilar, xolos. Albatta, Fir'avn yer yuzida baland ketgan edi. Albatta, u isrofchilardan edi. Yunus 10:83 ⧉
Tafsir:
Sir ochilib qolsa, Firavn va uning ayoni dindan qaytarish uchun azob-uqubatga giriftor qilishidan qoʻrqib, Muso olib kelgan yorqin oyat-alomatlar va ochiq hujjatlarga Bani Isroildan ayrim yoshlargina iymon keltirdi. Firavn Misr va uning aholisiga oʻta mutakabbir hukmdor edi. U kufr bobida, Bani Isroilni oʻldirish va azoblash bobida haddidan oshdi.