Zulmga duchor bo`lganlaridan so`ng Allohning yo`lida hijrat qilganlarni bu dunyoda, albatta, go`zal(joy)ga joylashtiramiz. Va oxirat ajri kattaroqdir, agar biladigan bo`lsalar. An-Nahl 16:41 ⧉
Tafsir:
Kofirlarning tazyiqi va qiynoqlariga yoʻliqqanlaridan keyin uy-joylariyu mol-davlatlarini tashlab, Allohning rizosi yoʻlida kufr diyoridan Islom diyoriga hijrat qilganlarga shu dunyoda ham yaxshi joylar ato etamiz va u joylarda aziz boʻlib yuradilar. Oxirat savobi esa buyukroqdir. Chunki uning ichida jannat ham bor. Hijrat qilmaganlar muhojirlarning savobi qanchalar boʻlishini bilganlarida edi, bu ishni chetga surmagan boʻlardilar.