Bas, yurib ketdilar. Kemaga minganlarida, uni teshib qo`ydi. U (Muso): «Buni uning ahlini g`arq qilish uchun teshdingmi?! Juda g`alati narsa qilding-ku?!» – dedi. Al-Kahf 18:71 ⧉
Tafsir:
Kelishib olishgach, dengiz sohili boʻylab yoʻlga tushdilar. Bir kema yoniga kelib, unga mindilar. Kemadagilar Xizrni hurmatidan ularni bepul olib ketdi. Xizr kemaning bir taxtasini sugʻurib (teshib) qoʻydi. Muso dedi: "Seni bepul olib ketayotgan odamlarning kemasini teshasanmi, ularni gʻarq qilmoqchimisan? Sen juda notoʻgʻri ish qilding".