Va bulutni ustingizdan soya soldirib qo`ydik, sizga mann va bedanani tushirdik. Rizq qilib bergan narsalarimizning poklarini yenglar. Bizga zulm qilmadilar. Lekin o`zlariga zulm qilardilar. Al-Baqarah 2:57 ⧉
Tafsir:
Nematlarimizdan yana biri shu ediki, yer yuzida quyoshning haroratidan toliqib qolganinglarda bulutni sizlarga soyabon qildik. Boldek shirin ichimlikni, bedanadek goʻshti shirin qushchani nozil qilib, sizlarga rizq qilib berganimiz bu xush narsalardan yeb-ichinglar, dedik. Bu nematlarga noshukrlik, nonkoʻrlik qilish bilan ular Bizga emas, oʻzlariga zulm qildilar. Savobdan mosuvo, azobga esa sazovor boʻldilar.