Landscape MP4 Vertical MP4

Sura Al-Baqarah — Oyat 85 (Oʻzbekcha) — Video

Al-Baqarah • Oyat 286 dan 85 • Oʻzbekcha


ثُمَّ أَنْتُمْ هَٰؤُلَاءِ تَقْتُلُونَ أَنْفُسَكُمْ وَتُخْرِجُونَ فَرِيقًا مِنْكُمْ مِنْ دِيَارِهِمْ تَظَاهَرُونَ عَلَيْهِمْ بِالْإِثْمِ وَالْعُدْوَانِ وَإِنْ يَأْتُوكُمْ أُسَارَىٰ تُفَادُوهُمْ وَهُوَ مُحَرَّمٌ عَلَيْكُمْ إِخْرَاجُهُمْ ۚ أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ۚ فَمَا جَزَاءُ مَنْ يَفْعَلُ ذَٰلِكَ مِنْكُمْ إِلَّا خِزْيٌ فِي الْحَيَاةِ الدُّنْيَا ۖ وَيَوْمَ الْقِيَامَةِ يُرَدُّونَ إِلَىٰ أَشَدِّ الْعَذَابِ ۗ وَمَا اللَّهُ بِغَافِلٍ عَمَّا تَعْمَلُونَ 85
Tarjima:
So`ngra, siz o`zingizni o`zingiz o`ldirasiz va bir guruhingizni diyoridan chiqarasiz hamda ularga qarshi gunoh va dushmanlik yo`lida yordam berasiz. Agar ular asir bo`lsalar, qutqarib olasiz. Va holbuki, ularni chiqarish harom edi. Yoki kitobning ba'zisiga iymon keltirib, ba'zisiga kufr keltirasizmi?! Sizlardan o`shandoq qilganlarning jazosi bu dunyoda faqat rasvo bo`lishlikdir, qiyomat kunida esa, eng shiddatli azobga qaytarilurlar. Alloh qilayotganingizdan g`ofil emas. Al-Baqarah 2:85 ⧉
Tafsir:
Keyin esa sizlar ahdni buzasizlar. Biringiz yana biringizni oʻldiradi, bir guruh boshqa bir guruhni diyordan haydaydi, ularga qarshi zulmu tugʻyon asosida oʻzaro hamkorlik qiladi, asir tushganlarni tovon toʻlab qutqarib ham olasizlar. Holbuki, yurtdan haydash aslida harom edi. Qanday qilib, Tavrotning bir qismiga iymon keltirib, boshqa bir qismini inkor qilasizlar? Asirlarni tovon toʻlab qutqarib olish haqidagi gaplarga iymon keltirasizlaru qon toʻkmaslik, yurtdan haydamaslik haqidagi koʻrsatmalarini rad etasizlar? Oralaringdagi bunday ishlarni qilgan kimsalar bu dunyoda xor-zor boʻlishi, oxiratda esa eng qattiq azobga uchrashi muqarrardir. Alloh sizlarning qilayotgan ishlaringdan gʻofil emas. Hammasini koʻrib-bilib turibdi. Vaqti kelganda hammasining jazosini beradi.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Baqarah • Oyat 84 Keyingi Al-Baqarah • Oyat 86