Ular Allohning qadrini joyiga qo`ymadilar. Albatta, Alloh kuchli va aziyzdir. Haj 22:74 ⧉
Tafsir:
Ular oʻzlari kabi bir maxluqqa ibodat qilib, Allohni yetarlicha ulugʻlamadilar. Alloh Kuchlidir. Osmonlaru yerni va ulardagi narsalarni yaratgani U Zotning qanchalar buyuk qudrat sohibi ekanini koʻrsatib turibdi. U Gʻolibdir. Hech kim, hech narsa U Zotdan ustun boʻla olmas. Mushriklar sigʻinayotgan butlar esa hech narsani yarata olmaydigan zaifdir, xordir.