Ey, iymon keltirganlar, ruku', sajda qilinglar va Robbingizga ibodat qilinglar hamda yaxshilik qilinglar, shoyadki, najot topsangiz. Haj 22:77 ⧉
Tafsir:
Ey Allohga iymon keltirib, shariatiga amal qiladigan zotlar, yolgʻiz Allohga ibodat qilib, namozlaringizda ruku qilinglar, sajda qilinglar. Keyin esa sadaqa va qarindoshchilik rishtalarini bogʻlash kabi ezgu ishlarni bajaringlar. Shoyad, shunda murod-maqsadingizga yetib, xavfu xatardan najot topsangizlar.