Bu sening ishing emas! U zot yoki ularning tavbasini qabul qilar, yoki azoblar. Bas, ular zolimlardir. Ali 'Imran 3:128 ⧉
Tafsir:
Uhudda sodir boʻlgan voqealardan keyin Paygʻambar alayhissalom mushriklarning rahbarlarini duoyibad qilganida Alloh dedi: "Bu sizning ishingiz emas. Bu ish Allohniki. Alloh Oʻzi bir hukm chiqarguniga qadar sabr qiling. Alloh ularni tavbaga muvaffaq aylasa, musulmon boʻladilar, kufru zalolatlarida davom etaversalar, ularni azoblaydi. Chunki bu paytda ular azobga loyiq zolimlarga aylanadilar".