Gunohkorlarning Robbilari huzurida boshlarini egib turib: «Ey Robbimiz, ko`rdik, eshitdik. Bas, bizni ortga qaytar, yaxshi amal qilamiz. Albatta, biz ishonib yetdik», deyishlarini ko`rsang edi. Sajda 32:12 ⧉
Tafsir:
Qiyomat kuni gunohkorlar xor-zor boʻlib, boshlarini egib, sharmandalikni his etib: "Parvardigoro, qayta tirilishni yolgʻon degandik, mana, koʻrdik, eshitdik, Sening huzuringdan paygʻambarlar olib kelgan xabarlar rost ekan, bizni dunyo hayotiga qaytar, yaxshi amallar qilamiz, endi qayta tirilish haq ekaniga aniq ishondik", deb qolishlarini bir koʻrsangiz edi.