«Bas, totib ko`ringlar, ushbu kuningizda uchrashuvni unutganingiz tufayli Biz ham sizni unutdik. Qilib o`tgan amallaringiz tufayli mangu azobni toting!» deyilur. Sajda 32:14 ⧉
Tafsir:
Ularga Qiyomat kuni qattiq zarda bilan shunday deyiladi: "Dunyo hayotida Qiyomat kuni Alloh bilan boʻladigan uchrashuvni unutganingiz tufayli azobni totinglar! Biz ham sizlarni tark qilib, azobu uqubatga tashlab qoʻyamiz. Azob chekayotganingizga parvo qilmaymiz. Oʻsha dunyoda gunohlar sodir etganingiz tufayli, mana endi tuganmas, mangu azobni totinglar!