Odamlar sendan soat (qiyomat) haqida so`rarlar. Sen: «Uning ilmi faqat Allohning huzuridadir», deb ayt. Nedan bilursan, ehtimol, o`sha soat yaqindir. Al-Ahzab 33:63 ⧉
Tafsir:
Ey Paygʻambar, mushriklar va yahudiylar sizdan oʻzlaricha sizni mot qilib qoʻyshi uchun Qiyomat haqida soʻrab: "U qachon boʻladi?" deydilar. Ularga ayting: "Qiyomat qachon boʻlishini bilish Allohning huzuridadir. Men bu borada hech narsani bilmayman". Ey Paygʻambar, siz qayoqdan ham bilardingiz, ehtimol qiyomat boʻlishiga yaqin qolgandir.