Ulardan ilgari o`tganlar ham (Payg`ambarlarni) yolg`onchi qilgan edilar. (Bular) ularga bergan narsalarimizning o`ndan biriga ham yetganlari yo`q. Bas, Payg`ambarlarimni yolg`onchi qildilar, ammo inkorim qandoq bo`ldi?! Saba 34:45 ⧉
Tafsir:
Od, Samud, Lut qavmi kabi oʻtgan ummatlar ham haqni tan olmadilar. Qavmingiz mushriklari ular yetgan kuch-qudrat, mol-davlat va son-sanoqning oʻndan biriga yetgan emas. Hammalari paygʻambarini yolgʻonchiga chiqardilar. Ularga mol-davlatlari ham, kuch-qudratlari ham, son-sanoqlari ham foyda bermadi. Azobimga yoʻliqdilar. Ey Paygʻambar, qarang, ularga qilgan raddiyam va bergan jazoyim qanday boʻldi?