Iymon keltirgan va solih amallarni qilganlarni, albatta, ostidan anhorlar oqib turgan jannatlarga kiritarmiz. Unda abadiy, boqiy qolurlar. Unda ularga pokiza juftlar bor. Va ularni quyuq soyalarga kiritarmiz. Niso 4:57 ⧉
Tafsir:
Allohga iymon keltirib, paygʻambarlariga ergashib, toat-ibodat qilganlarni yaqinda (Qiyomat kunida) qasrlari ostidan anhorlar oqib turadigan jannatlarga kiritamiz. U yerlarda abadiy qoladilar. Ular uchun u yerlarda har qanday kirlikdan pokiza juftlar bor. Ularni na sovuq va na issiqning tasiri boʻlmaydigan quyuq, keng soyalar ostiga kiritamiz.