Ko`r bilan ko`ruvchi barobar bo`lmas. Iymon keltirib, solih amallar qilganlar bilan yomonlik qilguvchi ham. Juda ham kam eslaysizlar. Ghafir 40:58 ⧉
Tafsir:
Koʻradigan koʻzi ochiq bilan koʻrmaydigan koʻr teng emas. Allohga iymon keltirib, yaxshi amallarni qiladigan moʻminlar bilan etiqodi buzuq, yomon ishlarni qiladigan kofir ham teng emas. Sizlar juda oz ibratlanasizlar. Yetarlicha ibratlanganingizda edi, bu ikki guruh orasidagi farqni anglab, iymon keltirgan va Allohning roziligini topish uchun yaxshi ishlarni qiladigan moʻminlar safida boʻlishga harakat qilib qolgan boʻlar edingizlar.