Iyso ochiq-oydin hujjat (mo`'jiza)lar bilan kelgan chog`ida: «Batahqiq, men sizga hikmatni keltirdim va siz ixtilof qilayotgan ba'zi narsalarni bayon qilish uchun keldim. Bas, Allohga taqvo va menga itoat qilinglar. Zuxruf 43:63 ⧉
Tafsir:
Iyso qavmiga oʻzining haq paygʻambar ekaniga yorqin dalillarni keltirgan paytida dedi: "Sizlarga Alloh tarafidan hikmatni keltirdim hamda oʻzinglar ixtilof qilib yurgan diniy ishlaringizni tushuntirib berish uchun keldim. Bas, Allohdan buyruqlarini bajarish va taqiqlaridan tiyilish ila taqvo qilinglar. Menga ham itoat etib, buyruqlarimni bajaringlar va taqiqlarimdan tiyilinglar".