Qani endi, Allohni qo`yib, U zotga yaqinlashtiruvchi deb tutingan «xudolari» ularga yordam bersalar edi. Yo`q! Ular g`oyib bo`ldilar. Va bu ularning uydirma hamda to`qigan bo`htonlaridir. Ahqof 46:28 ⧉
Tafsir:
Allohni qoʻyib, oʻsha xudo qilib olgan butlari ularga yordam berarmikin?! Ibodatlaru qurbonliklar bilan ularga sigʻinayotgan edilar-ku! Aslo. Hech qachon yordam bera olmaydilar. Aksincha, ularga eng muhtoj boʻlgan paytlarida ular koʻzga koʻrinmay qoladilar. Bu ularning yolgʻonlari va uydirmalaridan boshqa narsa emas. Ular, bu butlar foyda beradi, Allohning huzurida shafoat qiladi, deb oʻzlarini oʻzlari aldab yuribdilar.