Albatta, kufr keltirganlar va Allohning yo`lidan to`sganlar hamda hidoyat aniq bo`lgandan so`ng Payg`ambarga qarshi chiqqanlar Allohga hech zarar keltira olmaslar. Va ularning amallarini habata qilur. Muhammad 47:32 ⧉
Tafsir:
Allohga va paygʻambariga kufr keltirgan, oʻzlarini ham, boshqalarni ham Allohning dinidan toʻsgan va Paygʻambar alayhissolatu vassalomning chin paygʻambar ekani ayon boʻlganidan keyin ham u zotga qarshi chiqqan kimsalar Allohga hech qachon, hech qanday zarar keltira olmaydilar. Ular faqat oʻzlariga zarar qiladilar, xolos. Yaqinda Alloh ularning amallarini habata qilgay.