U, iymonlariga iymon ziyoda bo`lishi uchun mo`minlar qalbiga sokinlikni nozil etgan Zotdir. Va osmonlaru yerning lashkari Allohnikidir. Va Alloh biluvchi va hikmatli Zotdir. Fath 48:4 ⧉
Tafsir:
Alloh shunday Zotki, moʻminlarning qalblariga orom va xotirjamlikni indirdi. Toki iymonlariga iymon qoʻshib olsinlar. Osmonlaru yerning qoʻshinlari yolgʻiz Allohnikidir. Ular bilan istagan bandasiga madad beradi. Allloh bandalari uchun nima yaxshi ekanini yaxshi biladigan, har bir madad berishi va qoʻllab-quvvatlashini bir hikmat bilan qiladigan Zotdir.