Landscape MP4 Vertical MP4

Sura Al-Ma'idah — Oyat 6 (Oʻzbekcha) — Video

Al-Ma'idah • Oyat 120 dan 6 • Oʻzbekcha


يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ ۚ وَإِنْ كُنْتُمْ جُنُبًا فَاطَّهَّرُوا ۚ وَإِنْ كُنْتُمْ مَرْضَىٰ أَوْ عَلَىٰ سَفَرٍ أَوْ جَاءَ أَحَدٌ مِنْكُمْ مِنَ الْغَائِطِ أَوْ لَامَسْتُمُ النِّسَاءَ فَلَمْ تَجِدُوا مَاءً فَتَيَمَّمُوا صَعِيدًا طَيِّبًا فَامْسَحُوا بِوُجُوهِكُمْ وَأَيْدِيكُمْ مِنْهُ ۚ مَا يُرِيدُ اللَّهُ لِيَجْعَلَ عَلَيْكُمْ مِنْ حَرَجٍ وَلَٰكِنْ يُرِيدُ لِيُطَهِّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ 6
Tarjima:
Ey, iymon keltirganlar! Namozga turmoqchi bo`lsalaringiz, yuzlaringizni va qo`llaringizni chig`anoqlari ila yuvinglar. Boshlaringizga mas'h tortinglar. Va oyoqlaringizni to`piqlari ila yuvinglar. Agar junub bo`lsalaringiz, poklaninglar. Agar bemor yoki safarda bo`lsalaringiz yoxud birortalaringiz tahoratxonadan kelsa yoki ayollarga yaqinlik qilsa-yu, suv topa olmasalaringiz, bas, pokiza tuproq ila tayammum qilinglar. Undan yuzingizga va qo`llaringizga mas'h tortinglar. Alloh sizlarga qiyinchilik tug`dirishni istamas. Ammo sizlarni poklashni va sizlarga O`z ne'matini batamom qilib berishni istaydir. Shoyadki, shukr qilsangizlar. Al-Ma'idah 5:6 ⧉
Tafsir:
Ey iymon keltirganlar, namoz oʻqishga turmoqchi boʻlsangiz-u, tahoratingiz boʻlmasa, tahorat olingiz, yani, yuzlaringizni hamda qoʻllaringizni tirsaklari bilan yuvingiz, boshlaringizga mash tortingiz va oyoqlaringizni toʻpiqlari bilan yuvingiz. Agar junub boʻlsangiz, gʻusl qilingiz. Hojatxonadan chiqqaningiz tufayli tahorat qilishingiz yoki ayollarga yaqinlik qilganingiz tufayli gʻusl qilishingiz shart boʻlib qolganda bemor boʻlib, kasalingiz kattalashib ketishidan yo tuzalishi kechikib ketishidan qoʻrqsangiz yoki musofir boʻlsangiz, tayammum qilingiz. Yani, bir toza yerga qoʻllaringizni urib, yuzlaringiz va qoʻllaringizga surtingiz. Alloh hukmlari bilan sizlarga qiyinchilik tugʻdirib, zarar boʻlsa ham suvni ishlatishga majburlamadi. Aksincha, suvsizlik yoki kasallik tufayli uzrli boʻlib qolganda suvning oʻrniga tayammum qilishni shariatlashtirdi. Shu bilan sizlarga bergan nematini toʻla qildi. Shoyadki, Allohning nematiga shukr qilsangizlar, unga nonkoʻrlik qilmasangizlar.
X Facebook Minutemailer Stellar WhatsApp Reddit
To‘liq sura videosiga o‘tish
Oldingi Al-Ma'idah • Oyat 5 Keyingi Al-Ma'idah • Oyat 7