Ulardan ko`plarining kufr keltirganlarni valiy — do`st tutganini ko`rasan. Ularga nafslari taqdim qilgan narsa qanday ham yomon bo`ldi. Alloh ularga g`azab qildi. Va ular azobda boqiy qoluvchilardir. Moida 5:80 ⧉
Tafsir:
Ey Paygʻambar, koʻrasizki, yahudiylar orasidagi koʻpchilik kofirlar oʻzlari kabi kofirlarni doʻst tutib, ularni yaxshi koʻrib, sizni va muvahhidlarni esa dushman tutib, yomon koʻradilar. Bu qilmishlari ularga naqadar yomon oqibatni olib keladi! Negaki, shu ishlari tufayli Allohning gʻazabiga duchor boʻladilar va jahannamga kirib, u yerda abadiy qoladilar.