Ularni Payg`ambarga nozil qilingan narsani tinglaganlarida, haqni bilganliklaridan, ko`zlari yosh to`kkanini ko`rasan. Ular: «Ey Robbimiz, biz iymon keltirdik, bas, bizni shohidlar qatoriga yozgin», – derlar. Moida 5:83 ⧉
Tafsir:
Ularning orasidagi Najoshiy kabi qalbi muloyim kishilar boʻlib, Qurondan nozil qilingan oyatlarni eshitganlarida uning haq ekanini tanib, yigʻlab yuboradilar. Chunki ular Iyso alayhissalom olib kelgan dinni yaxshi biladilar. Ular shunday deydilar: "Parvardigoro, Paygʻambaring Muhammad alayhissalomga nozil qilgan oyatlaringga iymon keltirdik. Bizni ham Qiyomat kunida odamlarga hujjat-guvoh boʻladigan ummati Muhammadiya qatoriga yozib qoʻygin".