Yo`q! Unday emas. Ular oldin maxfiy tutgan narsa o`zlariga oshkor bo`ldi, xolos. Agar ular (bu dunyoga) qaytarilsalar ham, o`zlari man qilingan narsaga qayturlar va, albatta, ular yolg`onchilardir. Al-An'am 6:28 ⧉
Tafsir:
Ish ular aytgandek emas. Ular dunyo hayotiga qaytarilsak, iymon keltirardik, dedilar. Aslida ularning "Allohga qasamki, biz mushriklar emasmiz", degan gaplarining misi chiqib qoldi. Chunki ularga qarshi oʻzlarining tana azolari guvohlik berdilar. Ular dunyo hayotiga qaytarilgan taqdirda ham baribir oʻsha kufru shirkiga qaytgan boʻlardilar. Ularning: "Qaytsak, iymon keltirardik", degan davolari yolgʻon.