Va unga lavhlarda hamma narsadan mav'iza va har bir narsaning tafsilotini yozib berdik. «Bas, ularni quvvat ila tut va ahlingga buyur, ularning eng yaxshilarini olsinlar. Endi, sizlarga fosiqlarning diyorini ko`rsataman», – dedik. A'rof 7:145 ⧉
Tafsir:
Muso uchun taxta va boshqa narsalarga Bani Isroilga kerak boʻladigan diniy va dunyoviy ishlarga aloqador nasihatni bitdik. Tafsiloti zarur boʻlgan oʻrinlariga tafsilotini ham yozdik. Bas, ey Muso, bu Tavrotni jiddiylik va gʻayrat bilan qoʻlga ol-da, qavming Bani Isroilni har ishni eng goʻzal tarzda ado etish, sabrli va kechirimli boʻlish kabi savobi ulugʻ ishlarga buyur. Farmonimdan bosh tortib, itoatsizlik qilganlarning alal-oqibatda halokatga uchrab, xonavayron boʻlganlarini yaqinda sizlarga koʻrsataman.