Bir guruhni hidoyat qildi. Boshqa guruhga yo`ldan ozish haq bo`ldi. Chunki, ular Allohni qo`yib shaytonlarni o`zlariga do`st tutdilar. Hamda o`zlarini, albatta, hidoyat topganlar, deb hisoblarlar. A'rof 7:30 ⧉
Tafsir:
Alloh odamlarni ikki guruhga boʻldi. Birinchi guruhga hidoyat yoʻllarini ochib, undagi toʻsiqlarni olib tashladi. Shu bilan ular hidoyat topdilar. Ikkinchi guruhning esa haq yoʻldan adashib, yoʻldan ozishi muqarrar boʻldi. Chunki ular Allohni qoʻyib, shaytonlarni doʻst tutdilar. Nodonlarcha ularga ergashdilar va ular haqida toʻgʻri yoʻlga hidoyat topganlar, degan gumonda boʻldilar.