Ey, iymon keltirganlar, agar Allohga taqvo qilsangiz, sizga furqon beradi, sizning gunohlaringizni yuvib, mag`firat qiladi. Alloh ulug` fazl egasidir. Anfol 8:29 ⧉
Tafsir:
Ey Allohga iymon keltirgan va Paygʻambariga ergashganlar, shuni bilingizki, Allohdan buyruqlarini bajarish va taqiqlaridan tiyilish ila taqvo qilsangiz, sizlarni haq bilan botilni ajrata oladigan odamlarga aylantirib qoʻyadi. Shunda sizlarga hech ish noaniq boʻlib qolmaydi. Qilgan yomonliklaringizni oʻchirib, gunohlaringizni magʻfirat qiladi. Alloh ulugʻ fazl sohibidir. Taqvodor bandalari uchun tayyorlab qoʻygan jannati oʻsha fazlu karamidandir.